জাগে জাগে জাগে জনগণমন জ্যোতি

ৱিকিউৎসৰ পৰা
Jump to navigation Jump to search


জাগে জাগে জাগে
জনগণমন জ্যোতি
গগনে গগনে জ্বলে
            বালাৰ্ক দ্যুতি
                        জাগে গণমন জ্যোতি৷

আজি মুকুলিত জনসাধনা
আজি সুফুলিত জনকামনা
            অনুপশমিত আজি সঞ্চিত যাতনা৷
            আজি কুসুমিত জন চেতনা
                        প্ৰশমিত হওক বেদনা৷

জীভনৰ জয় গান
            ধ্বনিত সনস্বৰে
পিপূৰণ অন্নৰে বসন্ত জাগক ঘৰে ঘৰে
                        নবীন আলোক জাগ
                                    বাহিৰে ভিতৰে
                                    নিজৰা ধাৰে৷

আজি যত আন্ধাৰত
            জনমা মানৱ
আলোকত জ্বলি উঠ
            হৈ অভিনৱ৷৷