জাগা জাগা নক্ষত্ৰৰ

ৱিকিউৎসৰ পৰা
Jump to navigation Jump to search
জাগা জাগা নক্ষত্ৰৰ
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


জাগা--- জাগা
        নক্ষত্ৰৰ প্ৰভাতে প্ৰভাতে
হাঁহা --- সকলো সন্ধিয়াৰে
        ভুৱনে ভুৱনে বিয়পি

তোমাৰ হাঁহিয়ে
        কোটি জগতৰ
        আকাশ কৰিছে ময়াপী৷

তোমাৰ স্বৰৰ লহৰে
         অনন্তৰ অন্ত বিচাৰি
         তোমাতেই অন্ত পায়৷

তোমাৰ কণ্ঠেৰে
কণ্ঠৱতী
         কোনে মতা নাই?
         কোনে মতা নাই?