জনতা তোৰ পোহৰ পৰা মনত

ৱিকিউৎসৰ পৰা
Jump to navigation Jump to search
জনতা তোৰ পোহৰ পৰা মনত
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


জনতা তোৰ পোহৰ পৰা মনত
              আজি আগবাঢ়িবৰ অগ্নিক্ষণত
                        জাগিলে মোৰ গান
তই পাতিলি কাণ৷

সুন্দৰে তোৰ আগে আগে যায়
                      দেখিছনে নাই ?
অত যুগৰ
কত পিছত উঠিছ সাৰ পাই৷

তোৰ ত্ৰাণ আহিছে
                      মান আহিছে
বান আহিছে নবীন প্ৰাণৰ
                      অমোঘ মন্ত্ৰবাণ
আজি আগ বাঢ়িবৰ অগ্নিক্ষণত
                      জাগিলে মোৰ গান৷