চিৰসুন্দৰ ! হে চিৰসুন্দৰ

ৱিকিউৎসৰ পৰা
Jump to navigation Jump to search
চিৰসুন্দৰ ! হে চিৰসুন্দৰ
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


চিৰসুন্দৰ ! হে চিৰসুন্দৰ
মোৰ ৰাগ ৰুৰবীৰে পতা
                        লবি পূজা,
তোৰে সুৰেৰে মই
        ৰচিলোঁ কতনা গান
              বুজা-নুবুজা
                        লবি পূজা।

মোৰ যত অভিনৱ গান
বিকশিত কমলৰ গন্ধ সমান

          মনে মনে
সোণোৱালী সপোন-বিভোৰ
সপোনৰো সপোনত

          ছয়াময়া ৰূপ জ্বলে তোৰ
সুৰৰ শতেক ফুলে
চকুৰ লোতক জ্বলে
নবজোৱা সুৰেৰে বাঁহীটি বজা৷৷