অবুজ মাতৰ বিবুজ বাতৰি

ৱিকিউৎসৰ পৰা
Jump to navigation Jump to search
অবুজ মাতৰ বিবুজ বাতৰি
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
অবুজ মাতৰ বিবুজ বাতৰি
শুনা প্ৰাণ ভৰি
ইন্দ্ৰধনুৰ বৰণশিখাত লিখা
আলোকময়ী ভাষা
তিমিৰ ওৰণি
ধল।
থাকিবিনে শুই
খুলিছে খুলিছে
ৰুদ্ধ দুৱাৰখনি
চকু পদুমৰ পাহিটি তুলি
চা আগত তোৰ
অনাগত অতিথি।
জাগা শুভ্ৰ স্ফটিকালোক সম
সুবৰ্ণ কলিৰ ৰেখা
শব্দ সৰসিজ বিকাশ কমল-দল
অৰ্ব্বুদে বৃন্দে
শান্ত সাগৰ সম কণ্ঠ ভৰি।