অগ্নিৰে মই খেলা খেলিছোঁ

ৱিকিউৎসৰ পৰা
Jump to navigation Jump to search
অগ্নিৰে মই খেলা খেলিছোঁ
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত

অগ্নিৰে মই খেলা খেলিছোঁ

মোৰ অগ্নিৰে ধেমালি

মোৰ অগ্নিৰে ধেমালি


কোনো যদি নাহে

নালাগে আহিব,


মোৰ অকলশৰীয়া

জীৱন উঠিব

দীপালী হৈ জ্বলি


মোৰ অগ্নিৰে ধেমালি

মোৰ তেজৰ এটি দীপেই

আই তোক

কৰিব সোণালী

মোৰ অগ্নিৰে ধেমালি ৷