এই পৃষ্ঠাটোৰ বৈধকৰণ হৈছে
( ৯৬ )
পঞ্চম অঙ্ক।
⸻
প্ৰথম গৰ্ভাঙ্ক।
অন্তঃপুৰ।
ৰুষা আৰু সুগ্ৰীৱ।
সুগ্ৰীৱ। গুণব্ৰতী সতীৰ আদৰ্শ
উপযুক্ত ধৰ্ম্ম পত্নী তুমি,
তোমাৰ নিচিনা
ৰমণী স্বৰূপ চন্দ্ৰহাৰে
যাৰ কণ্ঠ কৰে সুশোভিত
ধন্য তাৰ পুৰুষ জনম।
তোমাৰ পুণ্যত মই
মহাবলী বালীক পৰাজি
কাৰামুক্ত কৰিলোঁ তোমাক;
বালীক নিধন কৰি
পোৱা নাই আনন্দ মনত,
হোৱা নাই আনন্দিত
লাভ কৰি কিষ্কিন্ধ্যাৰ ৰাজ সিংহাসন;
কিন্তু লাগিছে আনন্দ আজি
বহুৱাম তোমাৰ নিচিনা