এই পৃষ্ঠাটোৰ বৈধকৰণ হৈছে
(৯৫)
তাৰা। পিন্ধা তুমি কিষ্কিন্ধ্যাৰ ৰাজ আভৰণ
অঙ্গদক পাতা যুবৰাজ,
প্ৰজাক পালন কৰা ধৰ্ম্মনীতি মতে
অৰাজক নকৰিবা দেশ।
সুগ্ৰীৱ। ধন্য ধন্য বিধতাই
সংসাৰত স্ৰজিলে তিৰোতা;
সুখৰ বেলিকা
কদাপিতো নোৱাৰি তুষিব,
ছাঁয়াময় অনিশ্চিত গতি;
কিন্তু দুখত পৰিলে
বুলোৱা শান্তিৰ হাত
শান্তিময়ী অস্পৰীৰ দৰে!
নিজ দুখ সকলো পাহৰি
তাৰাই বুজনি দিছে
স্বামীঘাতী অধমকো আজি!
ধন্য তাৰা, ধন্য ধন্য তোমাৰ কাহিনী,
পৃথিবীত চন্দ্ৰ সূৰ্য্য থাকে মানে
ৰৈ যাৰ তোমাৰ সুখ্যাতি।
⸻
