এই পৃষ্ঠাটোৰ বৈধকৰণ হৈছে
পাপৰি
( ২৭)
অযোগ্য নাছিল মোৰ পৰাণৰ ভালপোৱা
অযোগ্য নাছিল এই পূজাৰ সম্বল,
অশুচি নাছিল সখি অন্তৰৰো অন্ত স্থল
ৰাখিছিলো ঢালি ঢালি প্ৰেম-গঙা-জল
( ২৮ )
যোৱা তেনে, যোৱা সখি, নালাগে থাকিব ৰই
গুচি যোৱা যত পাৰা দূৰ দূৰলৈ,
সপোনে সন্ধান যাতে নোৱাৰে কাচিতো দিব—
তোমাৰ ৰূপৰ জ্যোতি স্মৃতিয়েদি বই!
( ২৯ )
কিজানি ভাবিছা তুমি তুমি এৰি গুচি গ'লে
সোণৰ হৰিণী মোৰ যাব জাল ফালি,
কিজানি ভাবিছা তুমি, তোমাক নাপাই মই
হেৰুৱাম জীৱনৰ সেন্দুৰীয়া আলি!
[১০]