লুইতৰ আকাশত তৰাৰ তৰাৱলী

ৱিকিউৎসৰ পৰা
Jump to navigation Jump to search
লুইতৰ আকাশত তৰাৰ তৰাৱলী
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


লুইতৰ আকাশত তৰাৰ তৰাৱলী
          পাৰত দীপাৱলী তেজেৰে মোৰ---
আই নাকান্দিবি,
          থাপনাত তেজেৰে বন্তি দিলেহি
          সন্তানে আজি তোৰ৷
লাচিতৰ দিনৰে জ্বলা জুয়েকুৰা
          আই অ’ নুমুৱা নাই,
নতুন তেজেৰে শলিতা জ্বলিছে
          উজ্জ্বলিছে ভমকাই৷
চকুলো বোৱাই জুই নুনুমাবি
          গুচকে আন্ধাৰে ঘোৰ
লুইতৰ আকাশত তৰাৰ তৰাৱলী
          পাৰত দীপাৱলী তেজেৰে মোৰ৷৷