মায়া ! মায়া ! ব্যাপি অনন্ত

ৱিকিউৎসৰ পৰা
Jump to navigation Jump to search
মায়া ! মায়া ! ব্যাপি অনন্ত
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


মায়া! মায়া! -----
ব্যাপি অনন্ত এই যে বিশ্বকায়া!
        ইমান ধুনীয়া
        বিনন্দীয়া
               কাৰ অভিনৱ ছাঁয়া৷
পোহৰত জিলিকা প্ৰহেলিকা
আন্ধাৰত জিলিকা কুহেলিকা
               এই যে অসীম মায়া
               কাৰ অভিনৱ ছাঁয়া?
কাৰ সপোনে ৰূপ লৈ নাচে
               বিশ্বৰ বাস্তৱত
কাৰ বাস্তৱে সপোনৰ দৰে
               ভ্ৰমি ফুৰে ভুৱনত
                         এই মহাসুন্দৰ মায়া
                         কাৰ অভিনৱ ছাঁয়া?