মাহ হালধি সানি কিয়

ৱিকিউৎসৰ পৰা
Jump to navigation Jump to search
মাহ হালধি সানি কিয়
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


মাহ হালধি সানি কিয়
              কইনাজনী নোৱালি?
        তই জাননে
              তাই বাৰু কাৰ
                         সপোন দেখা ছোৱালী
                         কইনাজনী নোৱালি?
তাইৰ সপোনতে
মনৰ গোপনতে
        জিক্‌মিক্‌কৈ জ্বলে দূৰৰ তৰা
তাইৰ যে বুকু
        আলসুৱা মৰমৰে ভৰা
তাই
চকু মেলিলে পদুম ফুলি যায়
                 ওঁঠ দুখনিত গানে হাঁহে
                 সুৰে মিচিকিয়াই
        পুৱাৰ প্ৰথম সোণ সূৰুযে
                তাইৰে কৰে ধেমালি
তাইৰ যে দৰা নতুন দিনৰ
                নৰুন পুৱাৰ ৰ’দালি
        সপোন দেখা ছোৱালী
মাহ হালধি সানি কিয়
                কইনাজনী নোৱালি!