মজি ৰহু মেৰি মন হৰিগুণ

ৱিকিউৎসৰ পৰা
Jump to navigation Jump to search


                              ।। ৰাগঃ আশোৱাৰী।। একতাল।।

                            ধ্ৰুং।। মজি ৰহু মেৰি মন
                                    হৰি গুণ-অপাৰ আনন্দ-সিন্ধু-ৰস মাজে।
                                    হৰি বিনে আন আশা
                                    কৰসি কমন কাজে।।

                            পদ।। যোহি তনু আপুন, মানস মন ভাই।
                                    অন্তকালে সোহি সঙ্গহি নযায়।।
                                    সব বাটোৱাৰী সুহৃদ নাম হোই।
                                    ইহ পৰলোক হৰত বিত্ত সোই।।
                                    যত দেখো আৱৰি তনয়, বিত্ত, জায়া।
                                    আৱাগমন কাৰণ সব মায়া।।
                                    কহয় মাধৱ শুন মেৰি মন আন্ধা।
                                    হৰি বিনে আৱৰ ছোড়হ সব ধান্ধা।।