পৰভাতে শ্যাম কানু ধেনু লৈয়া সঙ্গে

ৱিকিউৎসৰ পৰা
Jump to navigation Jump to search


                                      ।। ৰাগঃ শ্যাম।। তালঃ পৰি।।

                                 ধ্ৰুং।। পৰভাতে শ্যামকানু ধেনু লৈয়া সঙ্গে।
                                         বাঁশীৰ নিসানে বৃন্দবনে চলে ৰঙ্গে।।

                                 পদ।। জগতৰ গুৰু হৰি কাছি গোপ কাছে।
                                         আভীৰ বালক বেঢ়ি চলে আগে পাছে।।
                                         শিকা বান্ধি চান্দি কান্ধে লৈয়া দধি ভাত।
                                         মাতায়ে ছান্দনী জড়ি সাজে জগন্নাথ।
                                         বাম কাষে শিঙা বেত নেতকৰ চেলি।
                                         বহু ৰসে লাস বেশ কৰি চলে কেলি।।
                                         অসংখ্য-সহস্ৰ শিশু ধেনু বত্সগণ।
                                         শিঙা-শঙ্খ বেণু ৰৱে পুৰয় গগন।।
                                         নানান খেলান খেলে বহু ভাৱে গাৱে।
                                         নানান বিনোদ ৰসে ভুৱন ভুলাৱে।।
                                         বৈকুণ্ঠৰ প্ৰতি প্ৰভু বনে চাৰে ধেনু।
                                         কহয় মাধৱ গতি কানু-পদ-ৰেণু।।