এই পৃষ্ঠাটোৰ বৈধকৰণ হৈছে
সৰাপাহি
দিয়ক মোক লিখাৰ জ্ঞান
জন্মভূমিৰ বাবে যেন
সুজিব পাৰো ধাৰ।
কিঞ্চিত মান হওঁক দেশৰ
ভাষা সাহিত্যৰ উপকাৰ॥
এই কল্পনা অন্তৰত লৈ
কলম লৈছো হাতত।
কবিতা নামৰ হেজাৰ ফুল
ফুলাম আইৰ চৰণত॥
ভাষা জননীৰ পূজাৰ বেদীত
কবিতা ফুলৰ মালালৈ।
অশ্ৰু বন্যাৰে পবিত্ৰ কৰি
আইৰ গলত পিন্ধাম গৈ॥
চন্দেৰে বেদীত আৰতি কৰিম
ভকতি ধূপৰ সুবাসেৰে।
শত পুস্পৰে অঞ্জলি যাচিম
হৃদয় ভৰক আইৰ আনন্দেৰে॥
⸻
প্ৰহৰী
হেৰ বুঢ়া লুইত অজিন পাতকী
নেমাত কিয় আছ মনে মনে।
সচা কথা কবলৈ দেহৰ শকতি
বাৰু তোৰ কাঢ়ি নিলে কোনে॥
২
