এই পৃষ্ঠাটোৰ বৈধকৰণ হৈছে
১৫৪
[খণ্ড ৮
কীৰ্ত্তন-ঘোষা
ভৈলন্ত ব্যামোহ মন মদনে দহয়।
পাৰ্ব্বতীক লাগি এড়িলন্ত লাজ ভয়॥ ৪০
বহ্নিৰ সংযোগে যেন উথলিল ঘৃত।
দুঃসহ মদন শৰে চিত্ত জৰ্জৰিত॥
একো নেদেখন্ত কামাতুৰ ভৈল বৰ।
কন্যাক ধৰিবে লাগি দিলেক লৱৰ॥ ৪১
খটমট কৰি বাজে গলে মুণ্ড-মাল৷
কঙ্কালৰ সুলকি পৰিল বাঘ-ছাল॥
ভৈলন্ত উলঙ্গ তাকো নাচন্ত চাপৰি।
দেখি পলাইবাক লৈলা কন্যায়ো লৱড়ি॥ ৪২
হাসি লাজে আঁৰ হোন্ত ইগাছে সিগাছে।
ভোল হুয়া শঙ্কৰো খেদন্ত পাছে পাছে॥
হস্তিনীক যেন মত্ত হস্তী যায় খেদি।
পলান্ত সুন্দৰী শঙ্কৰক লাগ নেদি॥ ৪৩
প্ৰাণ যায় শঙ্কৰৰ কাম-উতপাতে।
মহাবেগে খোপাত ধৰিলা বাম হাতে॥
ৰহ প্ৰাণেশ্বৰী বুলি কৰি আলিঙ্গন।
মহাকাম-ভোলে দিলা মুখত চুম্বন॥৪৪
পা* ৪২॥ সুলকি—হুসকি।
