এই পৃষ্ঠাটোৰ বৈধকৰণ হৈছে
কাব্য-কলি।
কাজুৱা চহকী, সুপথ্য ভোজীয়ে
স্বাস্থ্য লাভ কৰে নিতে;
নিৰোগীয়া সুখী, বিদ্বান উদ্যোগী,
ধম্মাৰ্থ আৰ্জ্জে বিনীতে।
(৪৯)
পূৰ নহওঁতেই কনিটি ফুটালে
পোৱালি বিফল হব,
আয়োজন পূৰ্ণ নহওঁতেই কলে,
কাৰ্য্যত বিঘ্ন ঘটিব।
(৫০)
পৰস্ব নহবাঁ, মৰ্ম্মপীড়াপ্ৰদ
বাক্য নুবুলিবাঁ কাকো,
নেৰাঁ হৰি চিন্তা, ভব-সাগৰৰ
নিমিষে তৰিবা সাঁকো।
(৫১)
বিজ্ঞান আনন্দময়
প্ৰত্যেক হিয়াতে ব্ৰহ্ম
গাখিৰত থাকে যেনে ক্ষীৰ,
মনক মঁথনি ধৰি
ভকতিৰ কৰি জৰি
মঁথি উলিওৱাঁ ব্ৰক্ষ্ম ক্ষীৰ।
⸻⸻
শামৰণি।