পৃষ্ঠা:Dubi Parihareswar Devalayar Itibritta Hem Chandra Sarma Munindranath Sarma Satish Chandra Chaudhury 1976 Jayanta Sarma Collection.pdf/৩৪

২০

ডুবি পৰিহৰেশ্বৰ দেৱালয়ৰ ইতিবৃত্ত

দুগ্ধভাবে শিশুপুত্ৰ কান্দে উচ্চৈস্বৰে।
দোহন কৰিব গাভী একোতে নাপাৰে॥
এহিমতে কতদিন গত হৈ যায়।
বিৰিণাত দুগ্ধ দিয়া লোকে দেখা পায়॥
ইকাণ-সিকাণ কৰি শুনি ৰঘুবৰ।
স্ব-চক্ষে দৰ্শন হেতু গেল যে তৎপৰ॥
কি আশ্চাৰ্য সত্য কথা দুগ্ধ পৰে বনে।
গৃহত তথাপি নেদে কৰিব দোহনে॥
মহাৰুষ্ট হৈ দ্বিজ লইয়া কোদাল।
কি আছে বিৰিণা চুপে চাই দেখা ভাল॥
এই বুলি বিপ্ৰবৰ কোদালৰ ঘায়।
তুলিলা বিৰিণা চুপা হইয়া বিস্ময়॥
পৰদিন বিপ্ৰবৰ গাভী পাছে যায়।
পুনৰ পৰিছে দুগ্ধ দেখে মহাশয়॥
সন্দেহ হৈল বৰ বিপ্ৰৰ মনত।
নিশ্চয় কোনো বস্তু আছে ইয়াৰ তলত॥
পুনৰপি কোদালেতে খান্দিবে লাগিলা।
আচম্বিতে কোদাল যাই শিলত পশিলা॥
একখণ্ড শিল কোদালত গৈল কাটি।
সবিস্ময়ে বিপ্ৰ দেখে কোদাল গেল ফাটি॥
তদন্ত কৰিয়া বিপ্ৰ দেখিল তথায়।
গৌ ৰীপত সহ লিঙ্গ বিৰাজ কৰয়॥
কৌতুহলে ৰঘুবৰ গৃহক আহিয়া।
গৃহ কৰ্ম্ম কৰি ৰাতি থাকিল শুইয়া॥
নিশাকালে স্বপ্ন এক দেখে ৰঘুবৰ।
শিৰোদেশে দণ্ডায়িত এক বিপ্ৰবৰ॥
ৰঘুবৰে কয় শুন অধৰ্ম্মী ব্ৰাহ্মণ।