পৃষ্ঠা:Dihanamorhombhar2010.pdf/৫২

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ হৈছে
৫২
দিহা নামৰ সম্ভাৰ


সমস্ত প্ৰাণীৰ পাপ হৰে যিটো
 আছিলা কালীৰ ফনে।
কামক মৰ্দ্দিয়া হেন পাদ পদ্ম
 অৰ্পিলে আমাৰ তনে॥
পঙ্কজ লোচন নেদেখি তোমাৰ
 মৰো হেৰা সৱে দাসী।
মধূৰ বচনে অধৰ অমৃতে
 আমাক জীয়ায়ো আসি॥

ভাঙনি ঘোষাঃ-

নামে তপ, নামে জপ, নামে যোগধ্যান।
নামৰ অধীন যত আছে কৰ্ম্ম জ্ঞান॥

পদঃ-

সংসাৰত নাহি মোৰ নামক উপাম,
সমস্ত ধৰ্ম্মৰে ৰাজা জানা হৰি নাম।
মহাযাগ যোগ আদি নুহিকে সমান,
তাহাৰ অধিক এক নামেসে প্ৰধান।
সিটো জপ যজ্ঞ সৰ্ব্ব-ধৰ্মত উত্তম,
লক্ষ ভাগো নুহি জানা নাম মোৰ সম।
সমস্ত যজ্ঞৰে ৰাজা যিটো ৰাজসূয়,
নামৰ সমান সিটো কোটিভাগো নূয়।
মোৰ নাম লৱে যেবে বাঢ়য় অগনি,
শুখান পাতক বন লাগৈ তাতে ছানি।