পৃষ্ঠা:Dihanamorhombhar2010.pdf/৫১

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
৫১
দিহা নামৰ সম্ভাৰ

১৭। মূল ঘোষাঃ-

নামৰ মহিমা শুনি তপস্যা এৰিলে মুনি
 যোগীয়ে এৰিলে যোগ ধ্যান।
গকুলৰ গোপীয়ে সবাকো তেজিলে
 লয় মাথো কৃষ্ণ নাম॥

পদঃ-

নুহিকা যশোদা নন্দন গুবিন্দ
 নিশ্চয়ে বুলিলো বাক।
তুমি সমস্তৰে  বুদ্ধি সাক্ষী সখি
 প্ৰাৰ্থিলা ব্ৰহ্মা তোমাক॥
জনত ৰাখিবে লাগি যুদ্ধ ফলে
 আপুনি ভৈলা উদিত৷
শুনা মহাভাগ জগতক ত্যাগ
 কৰিবে নুহি উচিত॥
বিনাশৈ সংসাৰ ভয় ভকতৰ
 পুৰৈ মনোৰথ যত৷
হেন হস্তপদ আনি প্ৰাণনাথ
 দিয়োক আসি শিৰত॥
হে ব্ৰজ ধন দুখহাৰী হৰি
 আমি কিঙ্কৰিক ভজ।
যেছেহন হাসিত কটাক্ষে সহিত
 দেখায়ে মুখ পঙ্কজ॥