বিষ্ণু মূৰ্ত্তি শালগ্ৰাম পুজে ঘৰে ঘৰে।
একাদশী ব্ৰত বিনে স্থান নাহি কৰে॥ ৩৪৯১২
ঘৰে ঘৰে সুৱৰ্ণৰ পতাকা নিৰ্ম্মাণ।
নানা পুষ্প শোভে নানা ফুলৰ উত্থান॥
নানা জাতি পুষ্প তাত আছে গুল্মলতা।
অহৰ্নিশে দ্বিজে পঢ়ে ভাগৱত গীতা॥৩৪৯১৩
যজ্ঞধুম্ৰে সকলে দেশত তমোময়।
ঋক্ যজুঃ সাম অথৰ্ব বেদক ভাষয়॥
নদী নদ সৰোবৰে নিৰ্ম্মল কমল।
হংস চক্ৰবাক বক চুৰয় সকল॥ ৩৪৯১৪
নাৰীগণ দেখি তথা বিনোদ নাগৰী।
ৰূপে লক্ষ্মী অৱতাৰ যেন বিদ্যাধৰী॥
উৎকল নগৰ দেখ৷ দেৱৰ নিৰ্ম্মাণ।
নানা ৰত্নে দিব্যপুৰী শোভে ধনে ধান্য॥৩৪৯১৫
বাৰসিংহ নৰপতি উৎকল ঈশ্বৰ।
বিষ্ণুপৰায়ণ ৰাজা নানা গুণধৰ॥
অৰ্জ্জুনৰ ঘোৰা প্ৰবেশিলা তান পুৰে।
দুসাদু দেখিলা তাঙ্ক ভ্ৰমন্তে নগৰে॥ ৩৪৯১৬
নৃপতিৰ আগে গৈয়া দুসাদু কহিলা।
নজানি কোথাৰ দুই ঘোটক আসিলা॥
এহিৰূপ ঘোটক দেখা নাহি কোনো কালে
বিচিত্ৰ সুৱৰ্ণ পত্ৰ শোভয় কপালে॥ ৩৪৯১৭
শুনিয়া ঘোৰাৰ কথ৷ বীৰসিংহ ৰাজ।
বোলে ঢাক বাৰী দিয়া সৈন্য হৌক সাজ॥
ৰাজাৰ আদেশে বীৰে ঢাকে দিলা শান।
শুনিয়া সকলে৷ বীৰ আইলা বিদ্যমান॥৩৪৯১৮
ৰথী ৰথ গজ বাজী পদাতি অপাৰ।
সেনাপতি বীৰসবে কৰি নমস্কাৰ॥
বীৰসিংহে বোলে শুনা যত বীৰগণ।
এথা আসি কাৰ ঘোৰা ভৈলা উপসন্ন॥৩৪৯১৯
ঘোৰা ধৰিবাক সবে চলো কাচি পাৰি।
এহি বুলি চলে ৰাজা সৈন্য সঙ্গে কৰি॥
সুৱৰ্ণে ভূষিত গজস্কন্ধে চৰি ৰাজা।
চলিলা পশ্চিম দিশে সঙ্গে কৰি প্ৰজা॥৩৪৯২০
|
|
|
ৰথী ৰথ গজ বাজী চলে সেনাগণ।
চতুৰঙ্গ দলে ৰাজা কৰিলা গমন॥
সসৈন্যে মিলিলা গৈয়া দুই ঘোৰা যথা।
আদেশিল ৰাজা ধৰি ঘোৰা আন এথা।৩৪৯২১
নৃপতিৰ বচনে বেঢ়িয়৷ চাৰিভিত।
যত্ন কৰি ধৰিলেক ঘোৰাৰ শিখাত॥
সত্বৰে ধৰিলা ঘোৰা নৃপতি গোচৰ।
কপালৰ পত্ৰ লৈয়া পঢ়ে নৃপবৰ। ৩৪৯২২
হস্তিনানগৰে যুধিষ্ঠিৰ নৰপতি।
জ্ঞাতি বধহেতু যজ্ঞ কৰে মহামতি॥
সেহি যজ্ঞঘোৰ৷ ৰাখে আপুনি অৰ্জ্জুন।
গোবিন্দ সাৰথি যাৰ সমৰে নিপুণ॥ ৩৪৯২৩
প্ৰদ্যুম্ন সাত্যকি কৃতবৰ্ম্মা অনিৰুদ্ধ।
যৌৱনাশ্ব অনুশাল বীৰ মহাযুদ্ধ ॥
সুবেগ কুমাৰ নীলধ্বজ হংসধ্বজ।
তাম্ৰধ্বজ শিখীধ্বজ যেন মত্তগজ॥ ৩৪৯২৪
বব্ৰুবাহা চন্দ্ৰহাস বীৰবৰ্ম্মা বীৰ।
জয়দ্ৰথসুত বীৰ প্ৰকৃতি গম্ভীৰ॥
ইসকল বীৰগণ কৰিয়া সঙ্গতি।
ঘোটক ৰাখয় ধনঞ্জয় মহামতি॥ ৩৪৯২৫
ঘোৰা ধৰিবাক পাৰে শক্তি আছে কাৰ।
ঘোৰা ধৰে যিবা তাৰ নাহিকে নিস্তাৰ ॥
যদি মদগৰ্ব্বে ৰণ কৰে দুৰাচাৰ।
অৰ্জ্জুনৰ বাণে তাৰ নাহিকে নিস্তাৰ॥ ৩৪৯২৬
পত্ৰ পঢ়ি নৃপতি চিন্তিলা মনে মনে।
মোহোৰ সদৃশ বীৰ নাহি ত্ৰিভুৱনে ॥
ভাগ্য ফলোদয় মোৰ সাফল বিধাতা।
সিকাৰণে নৃপতিৰ ঘোৰা আইলা এথা॥৩৪৯২৭
অৰ্জ্জুনৰ সহিতে আছয় নাৰায়ণ।
চক্ষুভৰি চাইবো আজি কৃষ্ণৰ চৰণ ॥
অনেক জন্মৰ ফলে দেখিবো শ্ৰীহৰি।
এহি বুলি নৃপতি চলিলা ঘোৰা ধৰি॥ ৩৪৯২৮
ঘোটক পূজিলা ৰাজা বিবিধ বিধানে।
কৃষ্ণ চিন্তি নদীতীৰে ৰৈলা সবে সৈন্যে॥
|
