এই পৃষ্ঠাটোৰ বৈধকৰণ হৈছে
৪৫
ৰূদ্ৰ যামল।
ব্ৰাহ্মণ সকলে, কাক আচৰিব
লোকৰ কি হব গতি।
কাহাৰ ৰাজ্যত, হইব নৈষ্ঠিক
প্ৰসিদ্ধ লোক ভকতি।
কোনে হব ৰাজা, বসুধা পলিব
কাৰ পৰমায়ু কত।
লোকৰ সমৃদ্ধি, কতেক হৈবেক
দুৰ্ঘোৰ কলি কালত॥
কোন ৰূপে হৰি, কাহাত ৰহিব
কোন দিসে অৱতাৰ।
কলিৰ কালত. কোন শুনো গতি
কহিয়ো তাৰ বিচাৰ॥
তুমি মোৰ স্বামী, তোমাত পুছোঁহোঁ
তুমি সে আমাৰ গুৰু।
তিনিও লোকৰ, তিনি কৰ্ম্ম কৈলা
তুমি ব্ৰহ্মা কল্পতৰু॥
দেবীৰ বচন, জগত ইশান
প্ৰেমত মজিয়া ৰৈলা।
হৰিক মনত, স্মৰিয়া দেবীত
পুনঃ কহিবাক লৈলা॥
______
পদ।
ভগৱান বদতি দেবী শুনা দিগাম্বৰী।
আদি যামলক কহে সাৰক উদ্ধাৰি॥
যাহাক শুনিলে ৰাজাগণে বুজে যাক।
দীৰ্ঘ আয়ু সুশ্ৰী হয়া ভূঞ্জহ ৰাজ্যক॥
