এই পৃষ্ঠাটোৰ বৈধকৰণ হৈছে
৯৪
স্ত্ৰী পৰ্ব্ব।
কৰ্ণ তযু জ্যেষ্ঠ ভাতৃ বুলি জানিয়োক।
তাজ প্ৰেতকাৰ্য্য বিধিয়তে কৰিয়োক॥
কুন্তীৰ বচন শুনি ৰাজা যুধিষ্ঠিৰ।
বিস্ময় মানিয়া বহে নয়নৰ নীৰ॥
হৰি হৰি মাৱ কিনো নিদাৰুণ ভৈলা।
কৰ্ণ সহোদৰ বুলি আগে নকহিলা॥
যদি আগে বুলিলাহা হন্তে ইতোকথা।
তেবে কি কাৰণে হৈব এনুৱা আৱস্থা॥
জ্যেষ্ঠ ভাই পিতৃ তুল্য বেদৰ বচন।
গুৰু বধ কাৰ পাপ সাঞ্চো কি কাৰণ॥
ভাতৃ বধি চাণ্ডাল কৰিলো পাপ কৰ্ম্ম।
ইহপৰ কালে মই লভিলো অধৰ্ম্ম॥
হাহা ভাই বুলিয়া কান্দয় পাঞ্চজন।
তুমি হেন বীৰৰ যে চিন্তিলো মৰণ॥
মোৰ সম পাপী নাই সংসাৰ ভিতৰে।
কুযশ ৰহিল যাৱে চন্দ্ৰ দিৱাকৰে॥
পূৰ্ব্বে যদি জানো আমি ইসব কাৰণ।
তেবে মৰিব মোৰ ভাই দুৰ্য্যোধন॥
শত ভাইৰ কিসব চিন্তিবো আমি মাৰ।
সিকাৰণে পিতামহ মৰিবে আমাৰ॥
এহি বুলি ৰাজাৰ চেতন নাহি গাত।
কতোবেলি সন্ধুক্ষণ ভৈলা নৰ নাথ॥
