এই পৃষ্ঠাটোৰ বৈধকৰণ হৈছে
৭৬
স্তুতিমালা
তপ্তকাঞ্চনৰ সদৃশ বৰণ
বিষধৰ যজ্ঞ সূত্ৰ।
সৰ্ব্বসিদ্ধিদাতা দেৱ গণপতি
লম্বোদৰ গজানন;
বাঞ্চা কল্পতৰু জগতৰ গুৰু
সেবোহোঁ তযু চৰণ।
———০————
ঈশস্তুতি।*
তোমাৰ মহিমা পৰম ঈশ্বৰ
বিশ্বৰ পালক তুমি;
অতি কাৰুণিক পৰম দয়ালু
ধৰ্ম্মবিচাৰৰ স্বামী।
তোমাকে প্ৰণামে কৃপা ভিক্ষা কৰোঁ
পোন বাটে নিয়া মোক;
যি পোন বাটত চলিছে সদায়
তযু কৃপাপাত্ৰ লোক।
কোপত পতিত যি পথত চলে
সি পথে নিনিবা মোক;
নাইবা চলিছে যি পথত প্ৰভু
পথভ্ৰষ্ট যত লোক।
•মুছলমানৰ আদি স্তুতি
•আলহাম দুলিল্লাৰ ভাঙ্গনি।