এই পৃষ্ঠাটোৰ বৈধকৰণ হৈছে
৭৭
স্তুতিমালা
পৰমব্ৰহ্ম স্তোত্ৰ।
মন বুদ্ধি অহঙ্কাৰ চিত্ত নোহা তুমি
নোহা তুমি কৰ্ম্মেন্দ্ৰিয়চয়;
পঞ্চভূত নোহা তুমি চিদানন্দৰূপ
পৰি কৰোঁ নমস্কাৰ মই।
প্ৰাণৰূপ পঞ্চবায়ু আৰু সপ্তধাতু
অন্নময় পঞ্চকোষ যত;
সবাৰোঁ অতীত তুমি চৈতন্যস্বৰূপ
নমস্কাৰ কৰোঁ লক্ষ শত।
ৰাগদ্বেষ ধৰ্ম্মাধৰ্ম্ম-কাম-মোক্ষহীন
বেদ যজ্ঞ তীৰ্থ আদি আৰ
ইসবো নোহাৱা তুমি জগভূপ
তোমাকেই কৰোঁ নমস্কাৰ।
পিতা মাতা গুৰু শিষ্য ভেদাভেদ নাই
নিৰ্ব্বিকল্প নিত্য নিৰঞ্জন;
নিৰাকাৰ সত্য শিৱ জ্যোতিৰ্ম্ময়ৰূপ
তোমাতেই পশিলোঁ শৰণ।
———০———