এই পৃষ্ঠাটোৰ বৈধকৰণ হৈছে
৪৫
স্তুতি-মালা৷
হিমকুন্দমৃণালৰ দৰে যাৰ আভা
নমো দেৱ ভৃগুৰ কুমাৰ;
দৈত্যৰ পৰমগুৰু শাস্ত্ৰবিশাৰদ
শুক্ৰপদে কৰোঁ নমস্কাৰ।
সুনীল অঞ্জন সম তোমাৰ বৰণ
ৰবিসূত অগ্ৰজ যমৰ;
ছাঁয়াৰ গৰ্ভত শনি জনম তোমাৰ
তুৱা পাৱে কৰোঁ নমস্কাৰ।
অৰ্দ্ধকায় মহাঘোৰ সিংহিকানন্দন
অতি উগ্ৰ প্ৰতাপ তোমাৰ;
চন্দ্ৰসূৰ্য্য গ্ৰাস কৰা তুমিয়েই ৰাহু
তযু পদে কৰোঁ নমস্কাৰ।
ধোঁৱাৰ বৰণ তুমি ৰুদ্ৰঅংশে জাত
বিমৰ্দ্দক তাৰকা গ্ৰহৰ;
ৰুদ্ৰৰ প্ৰভাৱ দেখোঁ হে কেতু তোমাৰ
তুৱা পাৱে কৰোঁ নমস্কাৰ।
নবগ্ৰহ স্তোত্ৰ পাঠ কৰে যিবা জনে
ভক্তিভাৱে থিৰ কৰি মন;
অশান্তি যতেক তাৰ দূৰ হই যায়
শুনা সত্য ব্যাসৰ বচন।
——o——