পৃষ্ঠা:স্তুতি মালা.pdf/৩৩

 

কাশী-স্তোত্ৰ।

পিতৃ মাতৃ আদি মানে আপোনাৰ বন্ধু জনে
 আওকাণ কৰি এৰে যেবে;
ঘূৰি ঘূৰি ফুৰি চায় যাৰ কতো গতি নাই
 তাৰ গতি বাৰাণসী তেবে।
হাড় ছাল মাথো সাৰ শৰীৰত ব্যাধিভাৰ
 নাই পথ্য ঔষধৰ নাম;
সকলোৱে মুখ চায় পুতৌ যে কৰোঁতা নাই
 তাৰ গতি বাৰাণসী ধাম।
পদে পদে বিপদৰ নাই সীমা সংখ্যা যাৰ
 যাৰ নাই সম্পদৰ লেশ;
একেবাৰে নিৰুপায় যাৰ কতো গতি নাই
 তাৰ গতি বাৰাণসী দেশ।
দিনেৰাতি কৰে পাপ পায় শোক পৰিতাপ
 মুক্তিৰ উপায় নাই যাৰ;
দুখতেই দিন যায় যাৰ কতু গতি নাই
 তাৰ গতি বাৰাণসী পাৰ।
সংসাৰৰ ভয়ে যাৰ কম্পে হিয়া অনিবাৰ।
 বন্ধনত পৰি যায় প্ৰাণ;