এই পৃষ্ঠাটোৰ বৈধকৰণ হৈছে
১৮
স্তুতিমালা
মৰণে লগ পালে জানিবা মনাই,
গোবিন্দত বিনে কাৰো আন গতি নাই॥
সাগৰসঙ্গ ম আদি যত তীৰ্থস্থান,
তাতে গৈ যদি তুমি কৰি আহা স্নান।
ব্ৰত যজ্ঞ জপ তপ যত কৰা দান,
জ্ঞান বিনে একোতেই নাই পৰিত্ৰাণ॥
হেন জানি গোবিন্দপদে কৰা ৰতি...॥
জ্ঞানহীন অল্পমতি জ্ঞান বিনে নাই গতি,
জানি এই সত্য অনুপাম।
শঙ্কৰৰ মূল চাই তৰুণ কিঙ্কৰে গায়,
লোৱা সদা গোবিন্দৰ নাম॥
গৃহ বা অৰণ্য মানত সমান
বিবেকো আছয় যাৰ।
গুৰুপাদপদ্মে ভক্তিৰ অভাৱে
বিফল জনম তাৰ॥
ভূপতি সন্ন্যাসী গৃহী ব্ৰহ্মচাৰী
জ্ঞানী বা অজ্ঞানী নৰে।
গুৰুৰ চৰণে দৃঢ় ভক্তি ভৈলে
ব্ৰহ্মপদ লাভ কৰে॥
——০——
