এই পৃষ্ঠাটোৰ বৈধকৰণ হৈছে
৮
স্তুতিমালা
সেহত যশোদা মাৱে ভক্তিত গোৱাল ছাৱে
প্ৰণয়ত গোপিনীয়ে পায়।
ভক্তি হীন শ্ৰদ্ধা হীন ময় মূঢ় অতি দীন
পূজা মন্ত্ৰ নাজানো কিঞ্চিৎ;
তৰুণো তোমাৰে দাস হেন জানি জগবাপ
তুৱা পাৱে নকৰা বঞ্চিত।
—————
পিতৃ স্তোত্ৰ।
তোমাৰ চৰণপদ্ম আৰাধ্য আমাৰ
তুমি দেৱ জন্মৰ কাৰণ;
নিৰ্ম্মল জ্ঞানৰ দাতা তুমি গুৰু মোৰ
সেৱা কৰোঁ তোমাৰ চৰণ।
প্ৰাণৰো অধিক দেখা পুত্ৰক তোমাৰ
তুমি সব সুখৰ নিদান;
আশুতোষ শিৱৰূপী ঈশ্বৰ সমান
পৰি কৰোঁ চৰণ বন্দন।
অপৰাধ ক্ষমা কৰা দয়াশীল তুমি
তযু কৃপা অসীম অপাৰ;
দুৰ্ল্লভ মানব জন্ম তোমাৰে কাৰণ
পাৱে পৰি কৰোঁ নমস্কাৰ।
