এই পৃষ্ঠাটোৰ বৈধকৰণ হৈছে
৫
সৌপ্তিক পৰ্ব্ব
মোহোৰ প্ৰতিজ্ঞা এই শুনা নৰনাথ।
পাঞ্চাল ও পাণ্ডবক কৰিম নিপাত॥
দ্ৰৌণিৰ বাক্য শুনি ৰাজা দুৰ্যোধন।
ভাল ভাল বুলি প্ৰশংসয় ঘনে ঘন।
পাণ্ডৱৰ প্ৰিয় সব জানো ভাল মত।
সেই হেতু সমৰত সব হলে হত॥
আৰু কোনো বন্ধু মোৰ নাই মহাত্মন।
যদি তুমি কৰা মোৰ কষ্ট নিবাৰণ॥
সেনাপতি কৰি ময় কৰিম বৰণ।
যদি মোৰ হিত চিন্তি কৰা তুমি ৰণ॥
ৰজাৰ বিনয় শুনি দ্ৰোণৰ নন্দন।
গৰ্ব্ব কৰি কয় বিনাশিবো সৰ্ব্বজন॥
এতেক শুনিয়া কুৰুপতি দুৰ্য্যোধন।
কৃপাচাৰ্য্য মুখ চাই কহয় বচন॥
শীঘ্ৰগতি জল আনি দিয়া মহামতি।
আজি গুৰু পুত্ৰে দেখো কৰি সেনাপতি॥
এতেক কহিলা যদি ৰাজা দুৰ্য্যোধন।
কৃতবৰ্ম্মা সহ কৃপ কৰিলে গমন॥
জল অন্বেষণ হেতু আন্ধাৰ নিশাত।
বহুঠাই বিচাৰিয়া নেপালে তথাত॥
