এই পৃষ্ঠাটোৰ বৈধকৰণ হৈছে
২৩
সৌপ্তিক পৰ্ব্ব।
ভাৰতে সৌপ্তিক পৰ্ব্ব অপূৰ্ব্ব কথন।
পদ্যছন্দে দেবৰাম কৰে বিৰচন॥
ব্যাসৰ ৰচিত দিব্য ভাৰত পুৰাণ।
শুনিলে আপদ খণ্ডে জন্মে দিব্য জ্ঞান॥
হেন জানি নৰলোকে আন কাম এৰি।
পাতক গুছোক মুখে বোলা হৰি হৰি॥
পদ।
নমো নমো নাৰায়ণ ব্ৰহ্ম সনাতন।
সংসাৰর হেতু ৰূপ দেব নাৰায়ণ॥
তুমি আদি তুমি মধ্য তুমি অন্তৰূপ।
সকলো জগতে এই তব লোমকূপ॥
নমো নমো আদি অৱতাৰ মৎস্যৰূপ।
নমো নৰসিংহ-হিৰণ্যক্ষ বিদাৰক॥
নমো কুৰ্ম্ম অৱতাৰ নমস্তে বামন।
নমো ভৃগুপতি ক্ষত্ৰকুল বিনাশন॥
নমো ৰাম অৱতাৰ ৰাবণ নাশক।
নমস্তে বৰাহ ৰূপ পৃথিবী নায়ক॥
নমো হৰি অৱতাৰ গজেন্দ্ৰ মোক্ষণ।
নমো বুদ্ধ অৱতাৰ পৃথিবী পালন॥
