পেটৰ দুৰ্গুণ হলে।
অম্ল গুণ বালকৰ হইলে অন্তৰে।
চেকুৰা চেকুৰি দুগ্ধে শিশু বান্ত কৰে॥
চূণৰ বিশুদ্ধ জল অল্প পৰিমাণে।
গাঠি নলগাই তাক খুৱাব সন্ধানে॥
পেটৰ সহজ দুৰ্গুণৰ গুণাকৰ।
যাক বােলে “কম্পাউণ্ড চক্ পাউডৰ’’*॥
ইতো পাউডৰ আমাসাৰ হাতে হয়।
তাৰ উপযোগী বস্তু দ’কানে মিলয়॥
ডালচিনি আৰু সৰু এলাইচৰ দানা।
সমভাগে দিব প্রত্যেকৰ চাৰি অনা॥
জাইফল, জাফৰান বাৰ বাৰ অনা।
ছয় আনিভৰ লবঙ্গৰ লাগে জানা॥
পৃথকে কৰিয়া চুর্ণ মিশলাই লােৱা।
ছয় তােলা চাৰি অন! পাকা চিনি খােবা।
সমস্ত দ্রব্যক তিনি ভাগে জুখিচাই।
তাৰে এক ভাগ খড়িমাটী মিশলাই॥
খড়িমাটি চুর্ণ চিনি অন্য চূর্ণসমে।
মিশলাইব সমস্তকে অভিন্নতা ক্ৰমে॥
⸻⸻⸻⸻⸻⸻⸻⸻⸻⸻⸻⸻⸻⸻⸻⸻⸻⸻⸻⸻⸻
- কম্পাউণ্ড চক্ পাউডাৰ— ডালচিনি— ৷৹ আনা।
জাইফল —৸৹ আনা
লং — ৷৵৹ আনা
সৰু এলাচিদানা—৷৹ আনা
জাফৰান — ৷৹ আনা
খড়িমাটি— ৷৶৹ আনা
