এই পৃষ্ঠাটোৰ বৈধকৰণ হৈছে
জ্ঞানীবৰ, তুমি ওলাই আহা
হেৰা ছেগ বুজি বুজি নীতি সলােৱা
ভণ্ড যােগীজন,
ভাবিছা কিয় এই দেশখন তােমাৰ পিতৃধন?
তােমাৰ বাহিৰে মাতৃভূমিৰ নাই কোনাে আপােনজন?
তুমি কোন ?
তুমি দেখােন ক্ষমতা লােভী
অনুগ্রহ বিচাৰি ঘৰে ঘৰে ফুৰা সাধাৰণজন
প্রতিশ্রুত সেৱক তুমি ৰাইজৰ ধন।
তােমাৰ মনত নাই?
তুমি হীনমন্য কৃতঘ্ন,
সেইবাবে তুমি গাদীত বহিয়েই পাহৰি যােৱা
তুমি ৰাইজৰ ধন।
তুমি অকৃতজ্ঞ,
ৰাইজক ভুলি সেয়েহে তুমি পাহৰি যােৱা
দুদিন আগৰ প্রতিশ্রুতি প্রতিজ্ঞা যত পণ।
তুমি নীচাত্মিকা ৰােগত ভােগা দৰিদ্ৰজন,
সেইবাবেহে দেশপ্রেমিকৰ মুখা পিন্ধি
আভিজাত্যৰ পেখন ধৰি
দুহাতে কেৱল খামুচি খামুচি
পেট পূৰােৱাৰ মন।
আকাশ বতাহ কম্পিত কৰি
সিংহনিনাদে গর্জন তুলি
জনকণ্ঠে গাইছে কত দেশৰক্ষাৰ গান
সেই গান তুমি শুনা নাই?
তুমি নীৰৱ নিমাত মৃতবৎ নিষ্প্ৰাণ
কেৱল গাদী ৰক্ষাৰ ধ্যান।
