এই পৃষ্ঠাটোৰ বৈধকৰণ হৈছে
[৫৮]
শুনা সভাসদ সৱে তেজা আন কাম।
পাতক ছাড়োক ডাকি বোলা ৰাম ৰাম॥
দুলৰি।
হৰি হৰি বাপু, সুধন্বা কুমৰ,
মোক মাত একবাৰ।
ধনুশৰ ধৰি, সমৰক যাহা,
অৰ্জ্জুন ঘোড়াক ধৰ॥
বাপ হুয়া তোক, নিগ্ৰহ কৰিলোঁ
তৈলত পেলাইলোঁ তোক।
সেহি দুঃখ খানি, মনত ধৰিয়া,
সম্মুখে নামাত মোক॥
পিতৃৰ শতেক, দোষ ক্ষেমিয়োক,
পুত্ৰৰ হোৱে যুগুত।
নকৰিলা পাপ, সুধন্বা যে বাপ,
কৰিলা শাস্ত্ৰ যুগুত॥
মাৰ বহিণীয়ে, যতেক বুলিল,
তাক নকৰিলি সাৰ।
এহি সব গুণ, বৰ্ণায়া কান্দন্ত,
শিৰে চুম্বি বাৰম্বাৰ॥
