এই পৃষ্ঠাটোৰ বৈধকৰণ হৈছে
[ ৫১ ]
গাণ্ডীৱ ধনুত, শৰ যুৰিলন্ত,
দ্বাদশ আদিত্য সম।
সুধন্বাৰ আসি, মৃত্যুকাল ভৈল,
আপুনি আসিল যম॥
গোবদ্ধন ধৰি, গোকুল ৰাখিল,
যতমান পুণ্য ভৈল॥
আপুনি শ্ৰীহৰি, মন্ত্ৰ জাপকৰি,
সেহি শৰপাট ভৈল॥
অজ্জুনে এৰিল, আকাশে চলিল,
শৰৰ দীপ্তিক দেখি।
ত্ৰিদশ দেৱৰ, কম্পমান ভৈল,
মৰস চটক পক্ষী॥
সুধন্বা বদতি, শুনা লক্ষ্মীপতি।
তুমি অজ্জুনৰ সখা।
পাণ্ডবৰ বান, কৰো দুই খান,
মোৰ বাহুবল দেখা॥
এহি বান্ গোট, মধ্যত নাকাটো,
তবে হৈবো পাপ ভাগী।
এহি বুলি বীৰে, অদ্ধচন্দ্ৰ বান,
মাৰিলা শৰক লাগি॥
বানে পৰি বান, হৈল দুই খান,
ভূমিত আসি পৰিল।
