এই পৃষ্ঠাটোৰ বৈধকৰণ হৈছে
[২০]
তুনবান গুচাইলা উদাস কলেৱৰ।
যোড়শ শৃঙ্গাৰ আৰম্ভিলা অনন্তৰ॥
সন্তোষ বদনে আতি কৰিলন্ত কেলি।
স্নান কৰি গাৱশুদ্ধ ভৈলা কতো বেলি॥
জৈমিনি বদতি শুনিয়োক মহাৰাজ।
পুচিলন্ত হংসধ্বজ সংগ্ৰামৰ মাজ॥
চাহন্তে নপাই তাক ৰাজা ঠাই ঠাই।
নেদেখিলে সুধম্বাকে একো স্থানে নাই।
হেনদেখি ৰাজা পাছে কৰিলা আদেশ।
সুধম্বাক শাস্তি আজি কৰিবো বিশেষ॥
ছবি।
হংসধ্বজ বদতি যে, শুনিয়োক মন্ত্ৰীগণ,
সুধন্বাক নেদেখোঁ সমৰে॥
কৃষ্ণ অৰ্জ্জুনৰ কথা, শুনিবৰ ভয় ভৈলা।
লুকাই থাকিল সিটোঘৰে॥
সুৰথক আদি কৰি, আসিলেক নিৰন্তৰ,
নিৰ্ব্বল সুধন্বা নপুংসক।
আমাৰ নগৰে জানি, আসি ভৈল চক্ৰপাণি,
নিস্তাৰিলো সাতো পুৰুষক॥
