এই পৃষ্ঠাটোৰ বৈধকৰণ হৈছে
১২
সীতা হৰণ নাটক।
১ম সেনা— ভাল সাৰিলিহঁত আজি। কথমপিহে
নেপালোঁহি।
২য় সেনা— আজি তাহেতৰ কপাল কিখন ভাল
আছিল সেইহে আমি নেপালোঁহি।
৩য় সেনা— হেৰ কি অ?
১ম— এঃ তই আৰু দেখাই নাই। এটাইবোৰ ঋষি
বনলৈ লৰমাৰিলে।
৪ৰ্থ— থহে! তহতে আৰু সদাই ঋষি মুনিকেহে
চকুৰ আগতে দেখি থাক।
১ম— মই এতিয়া মিছা কথাহে কলোঁ?
চাছোন সৌৱা বস্তু বাঢ়নী গোটায় লৈ
জুই ধৰিলৈছিল। আমি অহা কিবা
এটা গম পাইহে পলাল। বামুণ বোৰ
বৰ শহাকণিয়া।
৩য়— ক’তনো পলাই সাৰিব অ’। এতিয়াই ধৰি
আনিম।
৪ৰ্থ— আহ হতচোন। আমি এই বস্তুবোৰ খাইমেলি
সিহঁতক বিচাৰি যাওঁ।
২য়— এৰা! দেহি; বৰ ভাল ভাল আম কঠাল
লেটেকু পণীয়ল বোৰ গোটাই ছিলেহি
হেঁকাই খাহে খা।
