পৃষ্ঠা:সাৰনিত্যক্ৰিয়া.djvu/১৯

ৱিকিউৎসৰ পৰা
Jump to navigation Jump to search
এই পৃষ্ঠাটোৰ মুদ্ৰণ সংশোধন কৰা হৈছে
ব্ৰহ্মতত্ত্ব নিৰূপণ


বাহিৰে একে বিৰাট ভগবান পৰিপূৰ্ণৰূপে অখণ্ডকাৰে বিদ্যমান আছে। যেনে তােমাৰ অঙ্গ-প্রত্যঙ্গ বাহিৰে বেলেগ বেলেগ দেখা গৈছে যথা হাত, ভৰি, নাক, কাণ, ইত্যাদি, কিন্তু তুমি বেলেগ বেলেগ নহয় । সমস্ত অঙ্গ-প্রত্যঙ্গ স্থল আৰু সূক্ষ্ম শৰীৰ সকলে গুণসহ সমষ্টি একেজন বিদ্যমান আছা। যি দৰে তুমি এক এক অঙ্গৰ এক এক শক্তিৰ দ্বাৰাই এক এক কাৰ্য্য নিষ্পন্ন কৰিছা, সেইদৰে বিৰাট ভগবানে এক এক অঙ্গ-প্রত্যঙ্গৰ এক এক শক্তিৰ দ্বাৰাই এক এক প্রকাৰ কাৰ্য কৰিছে আৰু কৰাইছে। পূর্ণপৰব্ৰহ্ম জ্যোতিঃস্বৰূপ বিৰাট ভগবানৰ অঙ্গ-প্রত্যঙ্গ বাহিৰে সাত প্ৰকাৰ বোধ হয় যথা পৃথিবী, পানী, জুই, বতাহ, আকাশ, জোন আৰু সূৰ্য্যনাৰায়ণ, কিন্তু তেওঁ সাতোটা নহয়। তেওঁ জ্যোতিঃ নিৰাকাৰ সাকাৰ চৰাচৰে সৈতে পৰিপূৰ্ণৰূপে অখণ্ডাকাৰে একেজন বিদ্যমান আছে। তােমাৰ খং উঠিলে তোমাৰ অঙ্গ-প্রত্যঙ্গ সকলো খঙাল হয়, বা তুমি সন্তুষ্ট হলে সমস্ত অঙ্গ-প্রত্যঙ্গ সন্তুষ্ট হয়, সেইদৰে জ্যোতিঃস্বৰূপ সূৰ্যনাৰায়ণ ক্রোধান্বিত বা সন্তুষ্ট হলে সমস্ত চৰাচৰ ক্রোধান্বিত বা সন্তুষ্ট হয়। যেনে “তুমি” শৰীৰৰ মাজত শ্রেষ্ঠ, সেইদৰে চৰাচৰৰ মাজত জ্যোতিঃস্বৰূপ সূৰ্য্যনাৰায়ণ শ্রেষ্ঠ। তােমাৰ সকলাে ইন্দ্রিয়াদি তােমাৰ ইচ্ছাৰ অধীন আৰু তােমাৰ দ্বাৰাই পৰিচালিত, সেইদৰে এই চৰাচৰ জগৎ সূর্যনাৰায়ণৰ অধীনত পৰিচালিত। শুদ্ধ, চেতন, নিৰাকাৰ কাৰণ, পৰব্ৰহ্ম সূৰ্য্যনাৰায়ণৰূপে স্বতঃ প্ৰকাশ হৈছে, সূর্যনাৰায়ণৰ পৰা এই স্কুল চৰাচৰ জগৎ প্রকাশ হৈছে । যেতিয়া এই জগং ব্রহ্মাণ্ডক প্রলয় কৰে, তেতিয়া সূৰ্য্যনাৰায়ণ বাৰ কলা তেজোৰূপী হৈ এই স্থূল জগতক ভস্ম অর্থাৎ ৰূপান্তৰ বা আপােনাৰ স্বৰূপ কৰি নিৰাকাৰ নিগুণ কাৰণত