পৃষ্ঠা:সাৰনিত্যক্ৰিয়া.djvu/১০১

ৱিকিউৎসৰ পৰা
Jump to navigation Jump to search
এই পৃষ্ঠাটোৰ মুদ্ৰণ সংশোধন কৰা হোৱা নাই


বেদান্তৰ সৃষ্টি প্রকৰণ ৮৯

স্থূল শৰীৰৰ দ্বাৰাই ৰখা যি জ্যোতিক ‘তুমি” বােলা তেওঁৰ আৰু এটা নাম সূক্ষ্ম শৰীৰ, এই সূক্ষ্ম শৰীৰৰ মাজত আৰু তিনটা কোষ আছে। প্রাণময় কোষ, মনােময় কোষ, বিজ্ঞানময় কোষ । পাঁচ প্রাণ আৰু পাঁচ কৰ্ম্মেন্দ্রিয় এই দহােটা সমষ্টিৰ নাম প্রাণময় কোষ। পাঁচ কৰ্ম্মেন্দ্রিয় আৰু মন এই ছটা সমষ্টিৰ নাম মনােময় কোষ। পাচ জ্ঞানেন্দ্রিয় আৰু বুদ্ধি এই ছটা সমষ্টিৰ নাম বিজ্ঞানময় কোষ। | প্রাণময় কোষৰ কাৰ্য্য এই স্থূল শৰীৰক সচেতন ৰখা, যি পৰ্যন্ত এই স্থূল শৰীৰত প্রাণময় কোষ থাকে সেই পর্যন্ত এই দেহ অর্থাৎ স্থূল শৰীৰ সচেতন অর্থাৎ জীয়াই থাকে। মনােময় কোষৰ কাৰ্য্য আধ্যাত্মিক আৰু ব্যৱহাৰিক সকলাে ক্রিয়া কৰা। যি পর্যন্ত মনোময় কোষ এই স্থূল শৰীৰৰ মাজত বর্তমান থাকে সেই পৰ্য্যন্ত তুমি আধ্যাত্মিক আৰু ব্যৱহাৰিক সকলাে ক্রিয়া আৰু সঙ্কল্প বিকল্প কৰিবৰ সক্ষম হােৱা, মনােময় কোষ নষ্ট হলে, এই দেহ সচেতন থাকে হয় কিন্তু সেই দেহে কোনাে প্ৰকাৰ মনৰ ক্ৰিয়া কৰিব নােৱাৰে, যেনে মানুহ যেতিয়া সুষুপ্তি (টোপনি ) অৱস্থাত থাকে সচেতন হে তেতিয়াও জীবিতাৱস্থাত পৰি থাকে, প্রাণময় কোষে তেতিয়াও কাৰ্য্য কৰিছে, কিন্তু সেই দেহে কোনাে প্রকাৰ ক্ৰিয়া কৰিব নােৱাৰিছে, সেই সময়ত মনােময় কোষ নিশ্চেষ্ট হৈ থাকে। বিজ্ঞানময় কোষৰ কাৰ্য্য বিচাৰ আৰু সত্যনিষ্ঠা। | সুক্ষ্ম শৰীৰৰ মাজত কাৰণ শৰীৰ। সেই কাৰণ শৰীৰৰ আঠোটা কাৰণ , অৱস্থা যথা (১) অজ্ঞান তমােগুণ অৱস্থা। (২) সুষুপ্তি গাঢ় নিদ্রা অৱস্থা। (৩) হৃদয় স্থান স্বপ্নৱস্থা।