পৃষ্ঠা:সাহিত্য সপ্তম ভাগ.djvu/৯৩

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ হৈছে

জাতীয় গৌৰৱ।

বুৰঞ্জীলেখক   জাতীয় গৌৰৱ
 কিবা চিন পাবা অসম দেশৰ?
যত কবিকুল   জাতি পদ্মফুল
 লভিলে জনম ফলে কি পাপৰ!
হায়! হায়! হায়!   বুকু ফাটি যায়
 যি বুজে পুৰিছে হৃদয় সদায়।
উহ! পাহৰণি  যেন ৰাক্ষসিনী
 গিলিলি বহুত অসম-গৌৰৱ।
কোনে উলিয়াব   কোনে বা দেখাব,
 জন্মিছেনে এনে মহা অনুভৱ?

 ঠিক অসমীয়া মানুহ নহয়,
 অসম শ্মশান নোহে কোনে কয়?
অনন্ত কন্দলী   জন্ম ধৰিছিল
 কিনো পাপ কৰি অসম মাটিত!
নাই তযু নাম,   আদৰ সম্মান,
 কাললৈ নুমাল শ্মশান ভূমিত।

 পদুমৰ গোন্ধ কি গুবৰুৱা লয়,
 ভোমোৰাৰ দৰে ফুল কি ৰময়?