পৃষ্ঠা:সাহিত্য সপ্তম ভাগ.djvu/৪৭

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে

সীতাৰ বনগমন বাঞ্ছা।

সীতাৰ কাকুতি শুনি  ৰামে পুনু বুলিলন্ত
 শুন শুন জনক জীয়াৰী।
তিৰী সমে বনবাস  সুখৰ নাহিকে আশ
 শুনি হাসিবেক নৰ-নাৰী॥

ভয়ঙ্কৰ বন তাত  আছে সিংহ অসংখ্যাত
 গহ্বৰত পশি কৰে নাদ।
তই সুকোমলী নাৰী  শুনি তাক যাইবি ডৰি
 মোৰ মহা মিলিব প্ৰমাদ॥

মহামত্ত হস্তিচয়  ফুৰে যুথে যুথে তয়
 চিহঁৰণি শুনি কাম্পে প্ৰাণ।
মহিষ বৰাহ বাঘ  আছে বৰ বৰ নাগ
 দৰশনে হৰে শ্ৰুতিজ্ঞান॥