পৃষ্ঠা:সাহিত্য-প্ৰবেশ.djvu/৬৩

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে
[ ৫৫ ]
 

 ২। প্ৰত্যেক মানুহৰ নিমিত্তে স্মৃতিশক্তি যেনে, মনুষ্যজাতিৰ নিমিত্তে কিতাপ তেনে।

 ৩। মানুহ শ্ৰেষ্ঠ হবলৈ কি কি গুণৰ আৱশ্যক? চেঁচা মূৰ, চেনেহী বুকু, উত্তম বুদ্ধি, আরু সুস্থ শৰীৰ। চেঁচা মূৰ নহলে, আমি বেগতে সিদ্ধান্ত কৰিবলৈ যাওঁ; চেনেহী বুকু নহলে, আমি নিশ্চয় স্বাৰ্থপৰ হম; সুস্থ শৰীৰ নহলে আমি একো কৰিব নোৱাৰোঁ; আৰু উত্তম বুদ্ধি নহলে, সৎ অভিপ্ৰায়েৰেও আমি ভালতকৈ অনিষ্ট অধিক কৰিব পাৰোঁ ।

 ৪। শিকিবলৈ টান,কিন্তু শিকাক নিশিকিবলৈ আরু টান।

শ্যাৰ জন লবক (Sir John Lubbock)

—————

দুই সখী।

‘সখী, এটি কথা কওঁ কাণ দিবা জানো?’
‘তোমাৰ কথা নোমই কেতিয়া নুশুনো ।’
‘ফুৰি ফুৰি ফুৰি কালি দেখিলোঁ গৈ পাচে,
এজুপি গছত এটি ফুল লাগি আছে ।
ৰঙ্গা বৰণৰ ফুল, দেখিবলৈ ভাল,
কৰিছে গোটেইখন জাকজমকাল ।
আনিবৰ মন কৰি হাত মেলিছিলোঁ;
ওখ গছ, নোৱাৰিলোঁ, উভতি আহিলোঁ ।
তুমি থকা কে’দিনত কি নো মোৰ নাছে,
ভাবিলোঁ, কিহৰ চিতা, মোৰ সখী আছে।’