পৃষ্ঠা:সাধনা- দণ্ডিনাথ কলিতা.djvu/৩৬৬

ৱিকিউৎসৰ পৰা
Jump to navigation Jump to search
এই পৃষ্ঠাটোৰ মুদ্ৰণ সংশোধন কৰা হোৱা নাই


সাধনা চাহাব—মই তেতিয়া সেইবােৰ কিতাপৰ মূল্য বুজা নাছিলো; বৰং তাত কি আছে চাই প্রতিবাদ কৰিম বুলিহে ওলাইছিলো। পিচত পঢ়িহে মােৰ জ্ঞান হ’ল। কিন্তু এটা কথা, আপুনি সেই দিনা কোৱা কথাবােৰ মােৰ মতে একেবাৰেই নিৰপেক্ষ হােৱা নাই।। দীন—কোনবােৰ কথা ? চাহাব—আপুনি কৈছিল আমি খৃষ্টান ধর্মটো ব্যৱসায়ত পৰিণত কৰিছে, কিন্তু হিন্দুধর্ম তেনে নহয়। কিন্তু মই যিমান দূৰ জানিব পাৰিছো, সেই কথা একেবাৰেই সঁচা নহয়। আজি কালি ধৰ্ম্ম-যাজক- সকলৰ মাজত হিন্দুধৰ্ম্মৰ সেই উচ্চ আদর্শ নাই, তেওঁলােকে তাক পণ্য দ্রব্যত পৰিণত কৰিছে। দীন—সেই কথা ময়াে স্বীকাৰ কৰো। কিন্তু মই কওঁতে আন এটা কথা লক্ষ্য কৰিহে তেনেকৈ কৈছিলোঁ যেন মনত পৰে। হিন্দু- ধৰ্ম্মই কাকো বিশ্বাসৰ বিৰুদ্ধে চলিবলৈ নক্য, কিন্তু আপােনা- লােকে আপােনালােকৰ ধৰ্ম্মত সমূলি বিশ্বাস নথকা মানুহকো জানি-শুনিয়েই পার্থিব ভােগসুখৰ প্রলােভন দেখুৱাই বেপাইজড, কৰে। মই বােধকৰো সেই কথা লক্ষ্য কৰিয়েই তেনেকৈ কৈছিলোঁ। | চাহাব—আৰু এটা কথা, প্রতিমা পূজাৰ মাজেদি চৈতন্য শক্তিৰ উপলব্ধিৰ কথা আপুনি যিদৰে কৈছিল, আৰু শাস্ত্রই যিদৰে কয়, ঠিক তেনেকৈ আচৰণ কৰা সাধাৰণত দেখা নাযায়। দীন—হ’ব পাৰে। তথাপিও তাত যি এটা অন্ধ বিশ্বাস আছে, তাৰ পৰাও উপকাৰ হােৱাৰ সম্ভৱ। অন্ততঃ যিটো মত বিশ্বাস জম্ম নাই তাক গ্ৰহণ কৰাতকৈ, বেয়া হলেও যিটোত বিশ্বাস আছে তাতে থকাই ভাল। যদি তেনে বিশ্বাসৰ পৰা অপকাৰ হােৱা যেন দেখা যায়, -৩০০