পৃষ্ঠা:সাধনা- দণ্ডিনাথ কলিতা.djvu/৩১৯

ৱিকিউৎসৰ পৰা
Jump to navigation Jump to search
এই পৃষ্ঠাটোৰ মুদ্ৰণ সংশোধন কৰা হোৱা নাই


বিবাহ-প্ৰস্তাৱ দ্বাৰা নিৰ্বাচিত কোনাে কন্যাকেই মই বিয়া কৰাব নােৱাৰো। • সেই কাৰণে মােৰ বিবাহৰ নিমিত্তে তুমি চিন্তা নকৰিলেই ভাল। বাৰু, মােৰ বিবাহৰ নিমিত্তে যে তুমি মূৰ ঘূৰাইছা, তােমাৰ নিজৰ কথা নাভাবা কিয় ? আগেয়ে তােমাৰ এটা দিহা লগােৱা, তাৰ পিচতত আনৰ কথা ভাবিবা। মই এইষাৰ কথা সৰলভাবে হে কৈছো, তাত যেন বিজ্ৰপৰ গােন্ধ নিবিচাৰা। | তােমাৰ শুভাকাঙক্ষী দীনবন্ধু দীনবন্ধুৰ চিঠি পঢ়ি প্ৰভাৱতীয়ে যি উত্তৰ দিলে সি এই শ্ৰীচৰণকমলেষু, আপেনাৰ চিঠি পঢ়ি তাৰ এছােৱা সমূলি বুজিব নােৱাৰি বিমােৰ হলো। আপুনি কৈছে—মই বাছি দিয়া কাকো আপুনি গ্ৰহণ কৰিব নােৱাৰে। কথাটো মােলৈ সঁথৰ যেন হৈ পৰিছে। এই সঁথৰ ভঙা মােৰ সাধ্যাতীত; অনুগ্ৰহ কৰি ভাঙি দিব নে? মােৰ হ’লে সন্দেহ হৈছে— আপুনি কাৰবাক ভাল পায়, কিন্তু যাক ভাল পায়, তেওঁৰ লগত আপােনাৰ বিবাহ হােৱা অসম্ভৱ। যদি সেয়ে হয়, জানিবলৈ দিব নে- কোন সেই ভাগ্যৱতী ? | মােৰ বিবাহৰ বিষয়ে মই নাভাবে বুলি স্থিৰ কৰিছে। যদিও কিছু দিনৰ আগলৈকে মই এই বিষয়ে কোনাে স্থিৰ সিদ্ধান্ত কৰা নাছিলো, এতিয়া মােৰ লক্ষ্য স্থিৰ হৈছে। মােৰ লক্ষ্য কি, এতিয়া নকওঁ। কম এদিন, যেতিয়া আপােনাৰ ঘৰ হ’ব, আপুনি সুখ-শান্তিৰে বৈবাহিক জীৱন কটাবলৈ সমৰ্থ হ'ব । মুঠতে মােৰ বিবাহৰ প্রয়ােজন নাই। আপুনি. যদি সদায় মােক এতিয়াৰ দৰেই মৰমৰ চকুৰে চায়, যদি সকলাে সময়তে সজ উপদেশ দি মােৰ কৰ্তব্য দেখুৱাই দিয়ে, যদি