পৃষ্ঠা:সাধনা- দণ্ডিনাথ কলিতা.djvu/২৩৮

ৱিকিউৎসৰ পৰা
Jump to navigation Jump to search
এই পৃষ্ঠাটোৰ মুদ্ৰণ সংশোধন কৰা হোৱা নাই


লানা চাহাব—তুমি খৃষ্টানক পৌত্তলিক বুলিছা? দীন—এৰা। চাহাব—এইটো একেবাৰে মিছা কথা; তুমি তাৰ প্রমাণ দিব পাৰিবা ? দীন-প্রমাণ লাগে? শুনা তেন্তে—হিন্দুৱে কেতিয়াও পুতলা- পূজা নকৰে; কিন্তু জড়ৰ সাহায্য নােলােৱাকৈ চৈতন্য শক্তিৰ উপলব্ধি কৰা মানুহৰ সাধ্যাতীত। সেই জড় কাঠ, বাহ, নাইবা শিলৰ মূর্তিও হ’ব পাৰে, নাইবা মানস মূর্তিও হ'ব পাৰে। হিন্দুৱে এনে জড় পদাৰ্থৰ আশ্রয় ললেও তাক জড় ভাবে পূজা নকৰে। তাত চৈতন্য শক্তিৰ কল্পনা কৰি, নাইবা মন্ত্ৰেৰে দেৱতাৰ আৱাহন কৰি, প্ৰকৃততে সেই। চৈতন্য শক্তিৰ হে পূজা কৰে। নিজৰ মন স্থিৰ ৰাখি ধ্যান কৰিবলৈ মাথােন মাজত মূৰ্ত্তিৰ সেতু। কিন্তু তােমালােকে কৰা কি ? তােমালােক গির্জা, বেদী, কুচ, আৰু পাদুৰীৰ আসন আদি জড় পদার্থবােৰেই সাধাৰণতঃ তােমালােকৰ ঈশ্বৰৰ ঠাই অধিকাৰ কৰিছে। এই খিনি গুচাই দিয়া, অথবা ঠাইৰ অলপ সাল সলনি কৰা, দেখি— লগতে শতকৰা অন্ততঃ নিৰানবৈজন তােমাৰ নিচিনা খৃষ্টানৰ ধৰ্ম্মও কেনিবা উৰি গ'ল। তেনে স্থলত প্রকৃত পৌত্তলিক কোন? তােমাৰ দৰে খৃষ্টান নে হিন্দুবিলাক ? ৰােমান কেথলিকবিলাকতত দেখা- দেখিকৈয়ে মূর্তিপূজক আকৌ হিন্দুৰ বৈষ্ণৱ, শৈৱ, শাক্ত আদি সম্প্রদায় থাকিলেও সি সংখ্যাত বৰ বেচি নহয়। কিন্তু তােমালােকৰ কমকৈও আঢ়ৈ শ সম্প্রদায় আছে। তেনেহলে সাম্প্রদায়িকতা কাৰ বেচি। মুঠতে তুমি নামত খৃষ্টান হ’ব পাৰা, কিন্তু কামত খৃষ্টধৰ্মৰ একোকে নুবুজা। সেই দেখিয়েই আনৰ ধৰ্মৰ একো নুবুজাকৈ নিন্দা কৰিবলৈ আগ বাঢ়িছা। শ্ৰীকৃষ্ণৰ বিষয়ে যি ক’লা তাত মােৰ বিশেষ কবলগীয়া একো নাই, কাৰণ তােমাৰ যি ফেৰা ধৰ্ম্মজ্ঞান, যি ফেৰা