পৃষ্ঠা:সাধনা- দণ্ডিনাথ কলিতা.djvu/২২২

ৱিকিউৎসৰ পৰা
Jump to navigation Jump to search
এই পৃষ্ঠাটোৰ মুদ্ৰণ সংশোধন কৰা হোৱা নাই


সাধনা কৈয়েই মৌন হয়। লগৰ ছােৱালীয়ে কেতিয়াবা বিয়াৰ কথা উলিয়াই ধেমালি কৰিলে তেওঁ প্ৰায়েই কোনাে উত্তৰ নিদিয়ে। গাওঁ ফুৰি নাইবা লগৰ ছােৱালীৰ লগত চুপতি কৰি সময় কটাবলৈ তেওঁ সমূলি ভাল নাপায়, কিন্তু সেইবুলি তেওঁ নিজক সমাজৰ পৰা আঁতৰাই ৰাখিবলৈ বিচাৰে বুলি বুজিলেও ভুল হ’ব। যদি ওচৰ-চুবুৰীয়া কোনােবা তিতাৰ নৰিয়া হয়, তেন্তে নিশ্চয় এওঁক ওচৰত দেখিবলৈ পােৱা যাব । ৰােগীৰ পথ্য প্ৰস্তুত কৰাত, আলপৈচান ধৰাত, কোনেও এওঁৰ আঁৰ ধৰিব নােৱাৰে। কেতিয়াবা ৰােগিণীৰ শয্যাৰ ওচৰত বহি হাঁহিমুখে দুই-তিনি দিন আলপৈচান ধৰা দেখিলে তেওঁৰ ধৈৰ্য্য নশলাগি নােৱাৰি। | এই ছােৱালীজনীৰ নাম উযা, বয়স চৈধ্য পাৰ হৈ পােন্ধবৃত সােমাইছে। তেওঁৰ শাৰীৰিক সৌন্দর্য্য কবিৰ আদৰ্শ সৌন্দৰ্যৰ লগত নিমিলিব পাৰে, কিন্তু অশুৱনি নহয়। গাৰ বৰণ কেঁচা সােণৰ দৰে নহলেও একেবাৰে ক'লাও নহয়। উজ্জ্বল চকু জুৰি আৰু দীঘল চুলিটাৰ দেখি কোনেও ক’ব নােৱাৰে যে তাতকৈ সেই সেই অৱয়বৰ সৌন্দৰ্য্য ক'ৰবাত বেচিকৈ ফুটি উঠিছে। সাজ-পাৰ সামান্য ধৰণৰ, কিন্তু বেচ, পৰিষ্কাৰ আৰু পৰিপাটী। সাধাৰণতঃ এওঁক সদায় প্রফুল্ল দেখা যায়, যেন তেওঁৰ মনত কোনাে বেজাৰ বা অশান্তি নাই। কিন্তু সেই বুলি সেই প্রফুল্লতা চঞ্চলতাৰ শাৰীৰ নহয়। উষাৰ মাক নাই ; বৌৱেক প্রায় সমান বয়সীয়া ; সেই কাৰণে দুয়ােৰে ভিতৰত বন্ধুৰ দৰে মিল আছে। বৰঘৰটোৰ এখােটালিত উষা থাকে, আৰু এখােটালিত তেওঁৰ পিতা থাকে। উষা থকা খােটালিটো বৰ ডাঙৰ নহয়। ইয়াৰ এদাতিয়ে এখন শয্যা। শয্যাৰ পৰা অলপ আঁতৰাত এখন মেজ, এখন চকি আৰু এটা সৰু আমাৰীত খনচেৰেক কিতাপ। কিতাপ অসমীয়া,