পৃষ্ঠা:সাধনা- দণ্ডিনাথ কলিতা.djvu/১০৪

ৱিকিউৎসৰ পৰা
Jump to navigation Jump to search
এই পৃষ্ঠাটোৰ মুদ্ৰণ সংশোধন কৰা হোৱা নাই


সাধনা বেমাৰ-উমাৰ হৈছে। আপােনালােকে আন কৰিব নােৱাৰে, অন্ততঃ ফুৰাব লগতে দুই এখন গাৱঁত বেমাৰৰ সময়ত কেনে সতর্কতা ল’ব লাগে, তাৰ বিষয়ে মানুহক দুটা উপদেশ দিব পাৰে ; স্বাস্থ্যৰক্ষা সম্পর্কে দুই-চাৰি কথা বুজাই দিব পাৰে। তাৰ পৰা আপােনালােকৰ কোনাে ক্ষতি নহয়, অথচ বহুতাে মানুহৰ উপকাৰ হ’ব। তাকে নকৰি কাৰ ঘৰলৈ কোন গ’ল, কোনে কাৰ কাণত ফুচফুচালে, কোনে গান গালে,—এইবােৰ কথাৰ আলােচনা কৰি আপােনালােকে নিজৰেই হওক বা পৰৰেই হওক, কাৰ কি উপকাৰ কৰিবলৈ গৈছে? সেই কাৰণে আপােনালােকক কওঁ – যদি কিবা সজ পৰামর্শ, সজ' চর্চা কৰিবলৈ ঠাই লাগে, তেন্তে মােৰ ঘৰ সদায় মুকলি পাব; কিন্তু কোনােমতেই মােৰ ঘৰক পাপ-উপাসনাৰ ঠাই কৰিবলৈ দিব নােৱাৰো। তদুপৰি মােৰ শাসনত কেইবাটাও ছাত্র আছে ; আপােনালােক আদর্শই সিহঁতক লক্ষ্যভ্রষ্ট কৰাৰ সম্ভাৱনা। দীনবন্ধুৰ কথাত বেজাৰ পাই আলহীদল সেই দিনা সােনকালে উঠিল আৰু বাটে বাটে দীনবন্ধুৰ বিৰুদ্ধে বহুত কথা আলচি গ'ল, কিন্তু এজন কি দুজনৰ বাহিৰে বাকীকেইজন পিচদিনাৰ পৰাই আকৌ আহিবলৈ ধৰিলে। আলােচনাও আগৰ দৰেই চলিয়েই থাকিল। | তৃতীয় আহুকালটো বৰ ডাঙৰ, তাৰ প্রকৃত অৱস্থাটো দীনবন্ধুৱে নিজেও ভালকৈ বুজা নাছিল। দীনবন্ধু কেতিয়াও পার্থিব প্ৰেমত পৰা নাছিল। তেওঁ কত ঠাইত ফুৰিছে, কত যুৱতীৰ লগত সাক্ষাৎ কৰিছে, কত জনে নিজ নিজ কন্যাৰ ফটো’ পঠিয়াই দি বিবাহ প্ৰস্তাৱ কৰিছে, তাৰ সীমা নাই; কিন্তু তেওঁ আজিলৈকে কাৰৰ মুখলৈ মুগ্ধনেত্রে চোৱা নাই, কাৰ মুখ দেখি তেওঁৰ অন্তৰত সঁচ বহা নাই, হৃদয় আলােড়িত হােৱা নাই, কাৰৰ মুখ এবাৰ দেখাৰ পিচত দ্বিতীয়বাৰ দেখিবলৈ তেওঁৰ আগ্ৰহ জম্ম নাই। বিবাহ