পৰা মুক্তি লাভ কৰিব নোৱাৰি। গতিকে জন্ম বিফলে যায়। হে ভাই, সকলোৱে মন স্থিৰ কৰি একান্ত মনে হৰি-নাম স্মৰণ কৰা হৰি-নাম কীৰ্ত্তন কৰিলেহে নৰজন্ম সফল হয়।
[ ৪১৩—৪১৪]
হৰি গুণ গাৱ ভাই কৰিয়া উৎসৱ।
গুণতেসে তুষ্ট গুণ-লুবুধ মাধৱ॥
আনন্দ কৰিয়া হাৰ গুণ গাৱা যেৱে॥
ভৱ-সিন্ধু তৰিয়া হৰিক পাইবা তেৱে॥
হে ভাই, আনন্দ কৰি হৰিৰ নাম-গুণ কীৰ্ত্তন কৰা; গুণ কীৰ্ত্তনত ভোল যোৱা ভগৱানে তেওঁৰ গুণ কীৰ্ত্তন শুনিলেই তুষ্ট হয়।
আনন্দ মনে হৰিৰ নাম-গুণ কীৰ্ত্তন কৰিলে সংসাৰ-সাগৰ পাৰ হৈ অৰ্থাৎ মুক্তি লাভ কৰি ভগৱানক পাব পাৰি।
[৪১৫]
হৰি গুণ নাম গাৱ আনন্দ কৰি মনে।
চিন্তামণি তনু ভাই বিফল কৰা কেনে॥
চিন্তামণি—বাঞ্চিত ফলপ্ৰদ মণি; (কথিত আছে, যে এই মণি যাৰ ঘৰত থাকে তেওঁ যি ইচ্ছা কৰে তাকে পায়;) স্পৰ্শ মণি . ব্ৰহ্ম চিন্তাত সৰ্ব্বকামপ্ৰদ মণি স্বৰূপ।
আনন্দমনে হৰিৰ নাম-গুণ কীৰ্ত্তন কৰা চিন্তামণিস্বৰপ শৰীৰ পাই তাক কিয় বিফল কৰা, অৰ্থাৎ চিন্তামণিৰ স্পৰ্শত বাঞ্চিত ফল পোৱাৰ দৰে ইচ্ছা কৰিলে যি শৰীৰেৰে (তাৰ ভিতৰত বৃত্তিবোৰ