নমো কি নমো ৰাম নমো নাৰায়ণ।
অনাদি অনন্ত সন্ত শিৱ সনাসন॥
জয় নমো নাৰায়ণ দৈৱকী নন্দন।
পৰম পুৰুষ সদাশিৱ সনাতন॥
হে হৰি, নাৰায়ণ, ৰাম, তোমাক মই প্ৰণাম কৰোঁ; তোমাৰ নাম গুণ কীৰ্ত্তন ধৰ্ম্ম সকলো ধৰ্ম্মতকৈ শ্ৰেষ্ট।
হে গোবিন্দ, ৰাম, মুকুন্দ, মাধৱ, মই তোমাক বন্দনা কৰোঁ; কিয়নো তোমাৰ নাম স্মৰণ কৰিলেই পাপ নাশ কৰি উদ্ধাৰ হব পাৰোঁ; অৰ্থাৎ মুক্তি লাভ কৰিব পাৰোঁ।
হে নাৰায়ণ, ৰাম, মই তোমাক নমস্কাৰ কৰো; তুমি অনাদি অনন্ত, সত্য, মঙ্গলময় আৰু নিত্য।
হে দৈৱকীনন্দন, নাৰায়ণ, তোমাৰ নামৰ জয় হওক; মই তোমাক নমস্কাৰ কৰোঁ; তুমিয়েই পৰমেশ্বৰ সদামঙ্গলময় আৰু সনাতন;
উপদেশ
[ ৪১২]
হৰিবোল হৰিবোল কৰি মন স্থিৰ।
তেৱেসে সফল হোৱে মনুষ্য শৰীৰ॥
[অনেক জন্মৰ পাচত বুদ্ধি বিবেচনাযুক্ত মানুহ জন্ম ধৰা যায় আন জন্মত জ্ঞান নাকাৰ বাবে হৰিক ভজিব নোৱাৰি; মানুহ জন্মত যদি জ্ঞান-বুদ্ধি পাইয়ো হৰিক ভজা নাযায়, তেন্তে সংসাৰৰ