এই পৃষ্ঠাটোৰ বৈধকৰণ হৈছে
২৫৭
সটীক নামঘোষা
মুক্তানামপি সিদ্ধানাং নাৰায়ণপৰায়ণঃ।
সুদুৰ্ল্লভঃ প্ৰশান্তাত্মা কোটিদপি মহামুনে॥ (৩৪৬)
[ ৩৪৬ ]
পৰম প্ৰশান্ত নাৰায়ণ পৰ
মুক্তৰো মাজে বিৰল।
এহিমানে মাত্ৰ পুৰুষাৰ্থ সাৰ
হৰিৰ সেৱাৰ বল॥
ভগৱানত প্ৰীতি থকা লোক অতি শান্তিযুক্ত, এনে শান্তি থকা বা আত্ম-আনন্দলাভ কৰা লোক জীৱন্মুক্তসকলৰ ভিতৰতো কম; হৰিপদ সেৱাৰ বলত লাভ কৰা এই আত্ম-প্ৰসাদেই জীৱৰ পৰম পুৰুষাৰ্থ অৰ্থাৎ জীৱে আত্ম-আনন্দ লাভ কৰিবৰ উদ্দেশ্যেহে হৰি-পদ সেৱা কৰে।
বধা ন তে ভূৰি ভৰিৰ্ভাৱতাৰ ভাবাৱসন্নস্য হৰেৰ্ধৰিত্ৰী।
অন্তৰ্হিতস্য স্মৰতি বিসৃষ্টা কৰ্ম্মাণি নিৰ্ব্বাণ বিড়ম্বিতানি॥
(২৪৭-৩৫০)
[ ৩৪৭ ]
ধৰ্ম্মে পৃথিবীৰ আগত কহিলা
মহাভাগৱত ধৰ্ম্ম।
মুকুতি সুখৰ কেৱল আশ্ৰয়
জানা মাধৱৰ কৰ্ম্ম॥
১৭
